پاکستانی کوہ پیماء شہروز کاشف نے ایک اور ریکارڈ اپنے نام کرلیا

پاکستانی کوہ پیماء شہروز کاشف نے ایک اور رکارڈ اپنے نام کرلیا، شہروز کاشف چو ایو سر کرنے والے کم عمر ترین پاکستانی ہیں۔شہروز کاشف 8 ہزار میٹر سے بلند 13 چوٹیاں سر کرنے والے کم عمر ترین کوہ پیماء بن گئے۔ شہروز کاشف نے یہ سنگ میل کچھ دیر قبل چین میں چو ایو کو سر کرکے عبور کیا۔ 8188 میٹر بلند چو اویو دنیا کی چھٹی بلند چوٹی ہے۔ شہروز کاشف آٹھ ہزار میٹر سے بلند تمام 14 چوٹیاں سر کرنے والے کم عمر ترین کوہ پیماء بننا چاہتے ہیں۔ چین میں واقع شیشاپنگما کو شہروز اس ماہ کے وسط میں سر کرنے کا ارادہ رکھتے ہیں۔