امیتابھ بچن مشکل میں، اداکار پر جرمانہ

amitabh-bachchan 44

ممبئی :بالی ووڈ کے بگ بی امیتابھ بچن مشکل میں پڑگئے، گمراہ کْن اشتہار کی وجہ سے اداکار پر 10 لاکھ روپے کا جرمانہ عائد کردیا گیا۔بھارتی میڈیا رپورٹ کے مطابق کنفیڈریشن آف آل انڈیا ٹریڈرز نے بیگ بلین ڈیز سیل پر بننے والے اشتہار کے خلاف شکایت درج کروائی ہے، اس اشتہار میں بالی ووڈ اسٹار امیتابھ بچن کو سیل کی نمائش کرتے ہوئے دِکھایا گیا ہے۔کنفیڈریشن آف آل انڈیا ٹریڈرز نے سینٹرل کنزیومر پروٹیکشن اتھارٹی سے اپنی شکایت میں اس اشتہار کو گمراہ کن قرار دیتے ہوئے اشتہار کو واپس لینے کا بھی مطالبہ کیا ہے۔ کیٹ نے مطالبہ کیا کہ گمراہ کن اشتہارات کے لیے کنزیومر پروٹیکشن ایکٹ کی متعلقہ دفعات کے مطابق کمپنی پر جرمانہ عائد کیا جائے اور ساتھ ہی امیتابھ بچن پر بھی 10 لاکھ روپے کا جرمانہ عائد کیا جائے۔دوسری جانب اس خبر سے متعلق ابھی تک امیتابھ بچن یا اْن کی ٹیم کی جانب سے کوئی بیان سامنے نہیں آیا ہے۔

اس خبر پر اپنی رائے کا اظہار کریں

اپنا تبصرہ بھیجیں