پریکٹس اینڈ پروسیجر ایکٹ ۔۔تحریک انصاف نے اضافی دستاویزات جمع کرا دیں

سپریم کورٹ میں پریکٹس اینڈ پروسیجر ایکٹ کیخلاف کیس ،تحریک انصاف نے اضافی دستاویزات سپریم کورٹ میں جمع کرا دیں، پی ٹی آئی کی جانب سے استدعا کی گئی کہ اضافی دستاویزات کو کیس ریکارڈ کا حصہ بنایا جائے،دستاویزات میں کہا گیا کہ پریکٹس اینڈ پروسیجر ایکٹ عدلیہ کی آزادی کیخلاف ہے،آئین میں پارلیمنٹ اور ایگزیکٹو کے اختیارات واضح ہیں،پی ڈی ایم حکومت نے سپریم کورٹ کے متوازی نظام قائم کرنے کی کوشش کی،آئین میں سپریم کورٹ اور چیف جسٹس پاکستان کے اختیارات بالکل واضح ہیں،بنیادی حقوق اور عدلیہ کی آزادی کیخلاف قانون سازی برقرار نہیں رکھی جاسکتی،سپریم کورٹ رولز 1980 کی موجودگی میں عدالت عظمی سے متعلق قانون سازی نہیں کی جاسکتی،چیف جسٹس کی سربراہی میں فل کورٹ کل پریکٹس اینڈ پروسیجر کیس کی سماعت کرے گی