بھارتی حکومت کینیڈا میں خالصتان تحریک کے سرکردہ افراد کیلئے بڑا خطرہ بن گئی

اوٹاوہ:کینیڈین میڈیا نے دعویٰ کیا ہیکہ ہردیپ سنگھ نجر کے قتل کے بعد انہی کے ایک ساتھی سکھ رہنما کو قانون نافذ کرنیوالے اہلکاروں نے خبردار کیا تھا کہ اس کی جان کو بھی خطرہ ہے۔ میڈ یا رپورٹ کے مطابق خبردار کرنا فرض ہے کے عنوان سے ایک دستاویز گورمیت سنگھ تور کو بھیجی گئی جو خالصتان کیحامی گروپ سکھ فار جسٹس نے پبلک کی ہے۔گورمیت سنگھ تور نے تصدیق کی ہے کہ سرے پولیس کی نیشنل سکیورٹی انفورسمنٹ ٹیم 24 اگست کو رات ساڑھے گیارہ بجے اس کے گھر آئی تھی اور اسے خبردار کیا تھا کہ پولیس کو ایک سے زائد ذرائع سے تصدیق ہوئی ہے کہ اس کی جان کو خطرہ ہوسکتا ہے، تاہم خطرے کی تمام تر تفصیلات سے آگاہ نہیں کیا گیا تھا۔ تور گورونانک سکھ گوردواریکے سینئر رکن اور مقتول ہردیپ سنگھ نجر کے قریبی دوست ہیں۔