سعودی عرب، عراق اور دیگر ممالک میں پاکستانی فقیر درد سر بن گئے۔۔جیب کتروں کی بڑی تعداد کا تعلق پاکستان سے۔۔

سینیٹر منظور احمد کی زیر صدارت سینیٹ کی قائمہ کمیٹی برائے سمندر پار پاکستانیز کا اجلاس ہوا، سیکرٹری اوورسیز پاکستانیزنے بتایا کہ پاکستان سے بہت سے فقیر بھیک کی غرض سے بیرون ملک جارہے ہیں ۔ سعودی عرب، عراق اور دیگر ممالک میں پاکستانی فقیر درد سر بن گئے، عرب ممالک میں 90فیصد گرفتار فقیروں کا تعلق پاکستان سے نکلتا ہے۔سیکرٹری اووسیزنے مزید بتایا کہ حرم کے اندر سے جتنے جیت کترے پکڑے جاتے ہیں ان میں اکثریت کا تعلق پاکستان سے ہوتا ہے، اس مسئلے کے حل کیلئے دفتر خارجہ کے ساتھ ملکر میکنزم بنا رہے ہیں، فقیر زیادہ تر عمرے کے ویزے یا وزٹ ویزے پر جاتے ہیں۔
حکام وزارت اووسیزنے کمیٹی کو بتایا کہ اووسیز ایمپلائمنٹ پروموٹرز کی کل تعداد 2700 ہے، جاپان کے ساتھ دو-طرفہ پروگرام 2019 میں شروع ہوا، ایک ٹی آر پی پروگرام ہے، دوسرا اسکلز پروگرام ہے، جاپان کی زبان کا کورس کروایا جاتا ہے۔