الیکشن کمیشن میں اہم سماعت۔۔ پی ٹی آئی اراکین سے متعلق نیا حکم

پی ٹی آئی اراکین قومی اسمبلی کی جانب سے گوشواروں کی تفصیلات جمع نہ کرانے سے متعلق کیس کی سماعت ،چیف الیکشن کمشنر اسکندر سلطان راجہ کی سربراہی تین رکنی کمیشن نے سماعت کی، سابقہ پی ٹی آئی اراکین قومی اسمبلی کی جانب سے بیرسٹر گوہر علی الیکشن کمیشن میں پیش ہوئے ، وکیل بیرسٹر علی گوہر نے عدالت کو بتایا کہ شہریار آفریدی،شوکت یوسفزئی ودیگر نے تفصیلات جمع کرادی،الیکشن کمیشن حکام نے کہا کہ حماد اظہراور نفیسہ خٹک نے مالی گوشواروں کی تفصیلات جمع نہ کرائی،وکیل بیرسٹر علی گوہر نے کہا کہ اراکین کی جانب سے مالی گوشواروں کی تفصیلات آج جمع کرادی جائیں گی،جس پر الیکشن کمیشن حکام کا کہنا تھا کہ آج جنہوں نے تفصیلات جمع کرائیں تو ٹھیک ورنہ فیصلہ جاری کردیں گے،الیکشن کمیشن نے اراکین قومی اسمبلی کو تین روز میں مالی گوشواروں کی تفصیلات جمع کرانے کی ہدایت کر دی گئی، الیکشن کمیشن نے اراکین قومی اسمبلی کی جانب سے مالی گوشواروں کی تفصیلات جمع نہ کرانے سے متعلق فیصلہ محفوظ کرلیا