نگراں وفاقی حکومت کا غیرقانونی مقیم غیرملکیوں سے متعلق بڑا فیصلہ

اسلام آباد:نگراں وفاقی حکومت نے غیرقانونی طور پر مقیم 78لاکھ غیرملکیوں کو بے دخل کرنے کافیصلہ کیا ہے۔وفاقی کابینہ نے غیرقانونی طور پرمقیم افغان و دیگر ممالک کے شہریوں کے بے دخلی پلان کی منظوری دیدی۔غیرقانونی طور پر مقیم افغان شہری دہشتگردی، ڈالر،چینی اور کھاد اسمگلنگ میں ملوث پائے گئے ہیں۔غیرقانونی طور پر مقیم افغان شہری دہشتگردوں کو فنڈنگ اوسہولتکاری میں ملوث ہیں۔غیرقانونی طورمقیم غیرملکیوں سیپاکستانی کی سیکورٹی کو سنگین خطرات لاحق ہیں۔2021میں امریکہ کے افغانستان سیجانے کے بعد 4لاکھ افغانی غیرقانونی طورپرپاکستان آئے۔74لاکھ افغانیوں نے پاکستانی میں رہائش کے ثبوت کی تجدید نہیں کروائی۔پہلے مرحلے میں غیرقانونی طورپر مقیم اور ویزوں کی تجدید نہ کروانے والوں کو نکالنے کا فیصلہ۔دوسرے مرحلے میں افغان شہریت اورتیسرے مرحلے میں پروف آف ریذیڈنس کارڈ والوں کونکالا جائے گا۔وزارت داخلہ نے تمام سٹیک ہولڈرز بشمول افغان حکومت کی مشاورت سے پلان تیار کیا۔