بخار کے غیر معیاری سیرپ کی فروخت کا انکشاف

مارکیٹ میں بخار کے غیر معیاری سیرپ کی فروخت کا انکشاف، ڈریپ نے بخار کی دوا کا ایک بیچ غیر معیاری قرار دے دیا۔ڈرگ ریگولیٹری اتھارٹی نے پیڈولل سسپنشن کا پراڈکٹ ری کال الرٹ جاری کر دیا۔ ڈریپ کے مطابق پیڈولل سسپنشن جے اے ایس ایم فارما رسالپور کی تیارکردہ ہے۔ پیڈولل سسپشن ری کال الرٹ شہری، ڈاکٹرز، کیمسٹ کیلئے جاری کیا گیا ہے۔ بخار کی غیر معیاری دوا کا استعمال خون کی خرابی کا باعث بن سکتا ہے۔ کمپنی پیڈولل سسپنشن کا متاثرہ بیچ مارکیٹ سے واپس اٹھوائے۔ ڈریپ کی صوبائی ٹیمیں میڈیسن مارکیٹ میں سرویلنس بڑھائیں۔ پیڈولل بیچ کو فیڈرل ڈرگ اینالسٹ، سی ڈی ایل کراچی نے غیر معیاری قرار دیا۔