بلوچ جبری گمشدگی انکوائری کمیشن کی سفارشات پر عمل درآمد کا کیس ۔۔وفاقی حکومت نے جواب میں کیا کہا؟

بلوچ جبری گمشدگی انکوائری کمیشن کی سفارشات پر عمل درآمد کا کیس ،اسلام آباد ہائیکورٹ نے دس اکتوبر وفاقی حکومت سے جواب طلب کر لیا ، عدالت نے استفسار کیا کہ حکومت معاملہ کابینہ کے سامنے رکھے گی یا کسی اور طریقے سے حل کرے گی ؟ جواب دیں ، ایڈیشنل اٹارنی جنرل وفاقی حکومت سے ہدایات لیکر آگاہ کریں ، جسٹس محسن اختر کیانی نے دو صفحات کا تحریری حکم جاری کر دیا، حکمنامے میں کہا گیا کہ لاپتہ افراد انکوائری کمیشن کی رپورٹ عدالت کے سامنے پیش کی گئی ، ایڈیشنل اٹارنی جنرل نے کہا عدالت کچھ دے تاکہ حکومت سے سفارشات پر عمل درآمد متعلق ہدایات لے لیں ، پٹشنر ایڈوکیٹ ایمان مزاری نے بتایا جن بلوچ سٹوڈنٹس کا ذکر کیا گیا ان میں سے ایک بھی بازیاب نہیں ہوا ، ایڈیشنل اٹارنی جنرل نے وضاحت کی کہ کمیشن نے تین بلوچ طلبہ کا کیس حل کر دیا تھا ، ایڈیشنل اٹارنی جنرل نے کہا پٹشنر نے جو 55 بلوچ طلبہ کا ذکر کیا وہ معاملہ ابھی حل ہونا باقی ہے ، ایڈیشنل اٹارنی جنرل حکومت سے ہدایات لیکر دس اکتوبر تک رپورٹ جمع کرائیں ۔