انٹیلی جنس بیورو کے افسر نے اپنے ہی ادارے کےخلاف درخواست دائر کر دی

اسلام آباد ہائیکورٹ ۔۔ انٹیلیجنس بیورو میں دیگر اداروں سے غیر قانونی طور پر ڈیپیوٹیشن پر آئے ملازمین کا معاملہ،انٹیلیجنس بیورو کے ڈپٹی ڈائریکٹر جنرل کا اپنے ہی ادارے کیخلاف اسلام آباد ہائیکورٹ سے رجوع کرلیا، ڈپٹی ڈائریکٹر جنرل ارشد علی خان نے اسلام آباد ہائیکورٹ میں درخواست دائر کردی، غیر قانونی ڈیپیوٹیشن پر آئے ملازمین کے حوالے سے سپریم کورٹ کے فیصلہ پر عملدرآمد کرانے کی استدعاکی گئی، درخواست میں موقف اپنایا گیا کہ آئی بی نے دیگر قانون نافذ کرنے والے اداروں سے بڑی تعداد میں ملازمین ڈیپوٹیشن پر بھرتی کیے، سال 2013 میں سپریم کورٹ نے کیڈر پوسٹ پر ڈیپوٹیشن کو غیر قانونی قرار دیا، درخواست میں مزید موقف اپنایا گیا کہ سپریم کورٹ کے اس فیصلے کا اطلاق آئی بی ہر بھی ہوتا ہے تاہم آج تک عملدرآمد نہ ہوا، درخواست گزار نے 8 سال کے دوران متعدد بار آئی بی کو سپریم کورٹ کے فیصلے پر عملدرآمد کی درخواستیں دیں، درخواست گزار کی درخواستوں کو سنا گیا نہ ہی سپریم کورٹ کے فیصلے پر عملدرآمد کیا گیا، عدالت انٹیلیجنس بیورو کو درخواست گزار کی درخواستوں پر قانون کے مطابق فیصلہ کرنے کا حکم دے۔