سابق وزیر اعلیٰ کو جوڈیشل ریمانڈ پر جیل بھیج دیا گیا۔۔پرویز الٰہی کی کب جان چھوٹے گی؟ جج ابوالحسنات ذوالقرنین

انسداد دہشتگری عدالت اسلام آباد ۔پرویز الہٰی کو انسداد دہشتگری عدالت کے جج ابو الحسنات ذولقرنین کی عدالت میں پیش کیا گیا پرویزالٰہی کے وکیل سردار عبدالرازق اےٹی سی عدالت پیش ہوئے، پرویزالٰہی روسٹرم پر آگئے، جج ابوالحسنات ذوالقرنین نے استفسار کیا کہ پرویزالٰہی کی کب جان چھوٹےگی؟ وکیل سردار عبدلرازق نے کہا کہ کبھی کسی شہر اور کبھی کسی شہر چکر لگوا رہے، پرویزالٰہی نے کہا کہ کل اسلام آباد سے واپس لاہور مجھے لے گئے، جج ابوالحسنات ذوالقرنین نے کہا کہ آپ لوگوں نے بھی مچلکے جمع نہیں کروائے، وکیل سردار عبدلرازق نے کہا کہ آج کے دن ضمانتی مچلکے جمع کروانے تھے، پرویزالٰہی نے کہا کہ میری ملاقات بھی فیملی سے نہیں کروائی، وکیل صفائی نے کہا کہ کون سا مقدمہ ہے؟ تفتیشی افسر نے کہا کہ جوڈیشل کمپلیکس توڑپھوڑ کا مقدمہ ہے، پرویزالٰہی نے کہا کہ فیملی سے ملاقات کا مناسب آرڈر دےدیں، اےٹی سی جج ابوالحسنات ذوالقرنین نے کہا کہ جیل والے بھی آپ کی فیملی ہیں، اےٹی سی جج ابوالحسنات ذوالقرنین نے پرویزالٰہی کو جوڈیشل ریمانڈ پر جیل بھیج دیا