عمران خان کا کیس لڑنے پر پیپلز پارٹی کا لطیف کھوسہ کو شوکاز نوٹس۔۔

پیپلزپارٹی نے لطیف کھوسہ کو شوکاز نوٹس جاری کردیاشوکاز نوٹس پیپلزپارٹی کے سیکرٹری جنرل نیر بخاری کی جانب سے جاری کیا گیا۔ پیپلزپارٹی کے سیکرٹری جنرل نیر بخاری نے لطیف کھوسہ سے سات روز کے اندر جواب طلب کرلیا، نوٹس میں کہا گیا ہے کہ سی ای سی کے رکن ہونے کے باوجود پارٹی کی اجازت کے بغیر آپ کسی اور جماعت کے سربراہ کا دفاع کر رہے ہیں، وکلاء کی فنکشن میں سائفر معاملے پر آپ نے ریاستی پالیسی کو تنقید کا نشانہ بنایا، بتائیں کہ آپ کے خلاف تادیبی کارروائی کیوں نہ کی جائے، سات روز میں شوکاز نوٹس کا جواب دیں، جواب نہ دینے کی صورت میں آپکی پارٹی رکنیت ختم کردی جائیگی۔