ماحولیاتی تباہی ۔۔دنیا کو بچانے کا ابھی وقت ہے، اقوام متحدہ

un-secretary-general 16

جنیوا: اقوام متحدہ کے سیکرٹری جنرل انتونیو گوتریس نے کہا ہے کہ ماحولیاتی تباہی شروع ہو گئی ہے لیکن دنیا کو بدترین تباہی سے بچانے کا ابھی بھی وقت ہے۔غیر ملکی خبر رساں ایجنسی کے مطابق سیکرٹری جنرل اقوام متحدہ انتونیو گوتریس نے اپنے ایک بیان میں کہا کہ سائنسدان ایک طویل عرصے سے فوسل ایندھن پر انحصار کے ممکنہ خطرات سے متنبہ کر رہے ہیں اور اب دنیا کا ہر گوشہ موسمیاتی واقعات سے متاثر ہو رہا ہے۔
انہوں نے کہا کہ موسمیاتی تباہی کا آغاز ہو چکا ہے اور ہمارا سیارہ شدید گرمی کے دور سے گزرا ہے جبکہ حالیہ موسم گرما اس وقت تک کا گرم ترین موسم گرما تھا۔سیکرٹری جنرل اقوام متحدہ نے کہا کہ زمین کا بڑھتا ہوا درجہ حرارت اس معاملے میں مزید کارروائیوں کی ضرورت کی طرف اشارہ کر رہا ہے۔انہوں نے کہا کہ عالمی رہنماؤں کو ماحولیاتی مسائل کے حل کے لیے متحرک ہونا چاہیے اور ابھی بھی وقت ہے کہ ماحولیاتی بحران کو بدترین شکل اختیار کرنے سے روکا جا سکتا ہے۔ اب ہمارے پاس ضائع کرنے کے لیے وقت نہیں ہے۔

اس خبر پر اپنی رائے کا اظہار کریں

اپنا تبصرہ بھیجیں