عوام کو بجلی اور پٹرول کی قیمتوں میں اضافے کے بعد ہائی وولٹ جھٹکا۔۔گورنر ہائوس لاہور میں کیا ہوا؟

لاہور :عوام کو بجلی کے بلوں میں لگائے گئے بے جا ٹیکس اور پٹرول کی قیمتوں میں حالیہ اضافے کے بعد ہائی وولٹ جھٹکوں کا سامناکرنا پڑے گا۔ غریب عوام پر آئے روز ٹیکسوں کی بھرمار کے بعد گورنر ہاؤس انتظامیہ کھانے پینے کی اشیاء پر 75 لاکھ خرچ کرنے کے لیے تیار ہے۔
بتایا گیا ہے کہ گورنر ہاؤس لاہور میں کھانے پینے کی اشیاء کے لیے 75 لاکھ روپے کے ٹینڈرز جاری کر دیئے گئے ہیں۔ گورنر ہاؤس لاہور کے لیے 10 کلو دیسی گھی، 20 کلو گری بادام،5 کلو چھوارے کی خریداری کا ٹینڈر جاری کیا گیا ہے۔
گورنر ہاؤس انتظامیہ نے گورنر پنجاب کے نام پر 10 کلو شہد، 5 کلو پستا،20 کلو چیز،10 کلو بادیان خطائی،150 بوٹلز کافی جار سمیت دیگر کھانے پینے کی اشیاء کے لیے ٹینڈر جاری کیا گیا ہے۔ گورنر ہاؤس لاہور کے زیر استعمال ٹیوٹا، سوزوکی اور دیگر گاڑیوں کے مکینیکل ٹرانسپورٹ سامان کے لیے 10 لاکھ کے ٹینڈرز جاری کر دیئے گئے ہیں۔