کیا عمران خان کو جیل میں سہولیات دی گئی؟کھانےمیں کیا؟چہل قدمی کی اجازت؟ رپورٹ سامنے آگئی

سپریم کورٹ/چیئرمین تحریک انصاف سہولیات معاملہ، چیئرمین تحریک انصاف کو اٹک جیل میں بیٹر کلاس سہولیات فراہم کردی گئی، اٹارنی جنرل آفس نے چیئرمین تحریک انصاف کو سہولیات سے متعلق رپورٹ تیار کرلی۔
ذرائع کے مطابق جواب میں بتایا گیا کہ چیئرمین تحریک انصاف کو دیسی گھی میں دیسی چکن بھی فرمائش پر دیا جاتا ہے ، چیئرمین تحریک انصاف کو دیسی گھی میں مٹن بھی دیا جاتا ہے، فرمائش پر فراہم آئٹمز آن پیمنٹ پر فراہم کیے جاتے ہیں۔
جواب میں کہا گیا چیئرمین تحریک انصاف کو بیٹر کلاس سہولیات میسر ہیں۔جیل مینوئیل، رولز،قانون کے مطابق تمام سہولیات دی گئی ہے۔چیئرمین تحریک انصاف کو جیل کے سامنے کوریڈور میں چہل قدمی اجازت ہے۔اٹارنی جنرل سہولیات سے متعلق رپورٹ آج سپریم کورٹ جمع کرائے گا
سپریم کورٹ میں جمع کرائی گئی رپورٹ میں اعتراف کیا گیا کہ عمران خان کو جیل میں‌دال روٹی دی جاتی رہی. چیئرمین تحریک انصاف کو اٹک جیل میں فراہم سہولیات کی رپورٹ چیف جسٹس آف پاکستان کو پیش کر دی گئی، اٹارنی جنرل نے چیئرمین تحریک انصاف کو سہولیات سے متعلق رپورٹ چیف جسٹس عمر عطابندیال کو چیمبر میں پیش کی ، رپورٹ کے مطابق چیئرمین تحریک انصاف کو جیل میں دیسی گھی میں دیسی چکن بھی فرمائش پر دیا جاتا ہے، چیئرمین تحریک انصاف کو جیل میں دیسی گھی میں مٹن بھی دیا جاتا ہے۔چیئرمین تحریک انصاف کو جیل میں فرمائش پر فراہم آئٹمز آن پیمنٹ پر فراہم کیے جاتے ہیں، چیئرمین تحریک انصاف کو جیل میں بیٹر کلاس سہولیات میسر ہیں۔
جیل حکام کی رپورٹ کے مطابق چیئرمین تحریک انصاف کو جیل مینوئیل، رولز،قانون کے مطابق تمام سہولیات دی گئی ہے، چیئرمین تحریک انصاف کو جیل کے سامنے کوریڈور میں چہل قدمی کی اجازت ہے، چیئرمین تحریک انصاف کو جیل میں ہر کھانے کے ساتھ دہی فراہم کیا جاتا ہے، چیئرمین تحریک انصاف کو جیل میں ہر کھانے کے بعد فروٹ بھی فراہم کیا جاتا ہے، جیل میں چیئرمین تحریک انصاف کے ساتھ والے بیریکس کے بلاکس خالی کرا دیئے گئے، جیل میں چیئرمین پی ٹی آئی کو ڈائٹ فوڈ ان کی مشاورت سے دیا جاتا ہے۔
رپورٹ میں مزید کہا گیا ہے کہ چیئرمین پی ٹی آئی کو پیر سے اتوار تک ان کو ناشتے میں بریڈ، آملیٹ، دہی اور چائے دی جاتی ہے،لنچ میں پیر کو سبزی، روٹی، سلاد اور دہی دیا جاتا ہے ، منگل کو دال چنے ،بدھ کو دال ماش دی جاتی ہے،جمعرات کو دال، جمعے کو سبزی،ہفتے اور اتوار کو بھی دال دی جاتی ہے،ڈنرمیں دال چاول، دہی اور سلاد دیا جاتا ہے، ملزم کی ڈیمانڈ پر ہفتے میں دو بار دیسی مرغی اور ایک بار چھوٹا گوشت دیسی گھی میں تیار کرکے فراہم کیا جاتا ہے،
موسمی پہل بھی فراہم کئے جاتے ہیں، 18 اگست کو سیل کے واش روم کی مرمت کرکے اس کی دیوار مزید پانچ فٹ اونچی کی گئی، ملزم کو جس سیل میں رکھا گیا ہے اس کی مرمت کی گئی، سیل کا فرش سیمنٹ کا ہے،ایک پنکھا لگا ہوا ہے،واش روم کے اندر پورٹا کمپنی کا کموڈ، مسلم شاو،ٹشو اسٹینڈ لگائے گئے ہیں،وضو کےلئے واش روم کے باہر واش بیسن لگایا گیا ہے، ملزم کا سیل بیک سائیڈ سے ہوا کے لئے کھلا ہے، سیل کے اس ایریا میں ملزم واک کرسکتا ہے، ملزم کو ایک میٹریس، چار تکیے، ٹیبل، کرسی ، جائے نماز اور ایئر کولر کی سہولت دی گئی ہے۔
رپورٹ کے مطابق ملزم کو قرآن پاک انگریزی ترجمے کے ساتھ فراہم کیا گیا ہے، 25 کتابیں پڑھنے کے لئے دی گئی ہیں، ملزم کو 21 انچ ایل ای ڈی ٹی وی کی سہولت فراہم کی گئی ہے، ملزم کے سیل کی صفائی کے لئے 2 سینیٹری ورکرزموجود ہیں،اٹک جیل میں کی سیکیورٹی کو مضبوط بنانے کے لئے دیگر جیلوں کے 53 افسران کو تعینات کیا گیا ہے، چار اے ایس پی رینک کے پولیس افسران تین شفٹوں میں ڈیوٹی سرانجام دیتے ہیں،
رپورٹ کے مطابقملزم اور سٹاف کی نقل وحرکت چیک کرنے کے لئے 3 کیمرے نصب کئے گئے ہیں، ڈیوٹی دینے والے سٹاف کو دو وائرلیس فون دیئے گئے ہیں،فیملی کے لئے منگل دن 2 بجے، وکلا کے لئے جمعرات کا دن ملاقات کے لئے مقرر کیا گیا ہے، ملاقاتوں کے دوراں سخت سیکیورٹی کے انتظامات کئے جاتے ہیں،اس وقت اٹک جیل میں 982 قیدی قید ہیں،وکیل نعیم حیدر پنجوتھا، اہلیہ بشری بی بی، عمیر خان نیازی، بابر اعوان اور لطیف کھوسہ ملاقاتیں کرچکے ہیں، چیئرمین پی ٹی ائی کی طبی چیک اپ کے لئے پانچ ڈاکٹرز کا پینل ہر وقت موجود ہوتا ہے۔