ہائوسنگ سوسائٹیز کےخلاف عدالت کا بڑا حکم..18کی رجسٹریشن بھی منسوخ

اسلام آباد ہائیکورٹ نے اسلام آباد کی حدود سے باہر واقع ہاؤسنگ سوسائٹیز کو “اسلام آباد” نام استعمال کرنے سے روک دیا عدالت نے سوسائٹیز کو اپنے ناموں میں سے “اسلام آباد” نام ہٹانے کا حکم دے دیا ،عدالت نے حکم دیا کہ اسلام آباد” نام کی تبدیلی سے تاثر ختم ہو گا یہ سوسائٹیز یہ اسلام آباد کی حدود میں واقع ہیں ، سوسائٹیز کے خرچ پر قومی اخبارات میں اشتہار دئیے جائیں یہ سوسائٹیز اسلام آباد کی حدود میں نہیں ، عوامی آگاہی کے لئے اشتہارات مستقل ہاؤسنگ سوسائٹیز کی مرکزی جگہوں پر چسپاں رہیں گی ، اسلام آباد نام استعمال کرکے چالاکی سے عوام کو تاثر دیا جارہا ہے سوسائٹیز اسلام آباد میں واقع ہیں ، جسٹس ارباب محمد طاہر نے ہاؤسنگ سوسائٹیز کی رجسٹریشن منسوخی کے خلاف کیس کا فیصلہ جاری کر دیا .
اسلام آباد کی حدود سے باہر واقع 18 ہاؤسنگ سوسائٹیز کی رجسٹریشن منسوخی کالعدم قرار دے دی . اسلام آباد ہائیکورٹ نے 18 ہاؤسنگ سوسائٹیز کی رجسٹریشن دوبارہ بحال کر دی اسلام آباد میں رجسٹرڈ لیکن اسلام آباد کی حدود سے باہر واقع سوسائٹیز کی رجسٹریشن ڈی سی نے منسوخ کی تھی عدالت نے رجسٹریشن منسوخی کا گزشتہ سال 23 ستمبر کا نوٹیفکیشن کالعدم قرار دے دیا ، عدالت نے قرار دیا کہ رجسٹرار کوآپریٹو سوسائٹیز نے سوسائٹیز کی رجسٹریشن منسوخی کرتے قانونی تقاضے پورے نہیں کئے۔مختلف انکوائریز کے بعد رجسٹرار سوسائٹیز قانون کے مطابق دوبارہ کاروائی کر سکیں گے ، رجسٹرار پہلے خود مطمئن کرے کیا سوسائٹیز نے رجسٹریشن کے ایک سال کے اندر ڈویلپمنٹ شیڈول دیا ، رجسٹرار تصدیق کرے گا مقررہ وقت میں کیا سوسائٹیز نے متعلقہ صوبے میں ڈیٹا فراہم کیا ، اگر سوسائٹیز نے ہاؤسنگ پراجیکٹ پر عمل درآمد کرنے کا ڈیٹا نہیں دیا تو رجسٹرار کاروائی کر سکتا ہے ، رجسٹرار انکوائری کرے گا کیا سوسائٹیز نے متعلقہ صوبوں میں پراجیکٹس بروقت مکمل کئے ، رجسٹرار انکوائری کرے کیا پراجیکٹ کے لئے جگہ ایکوائر کی گئی اگر نہیں تو انکے فنانشل افیئرز کی انکوائری کریں۔ رجسٹرار یہ بھی انکوائری کرے گا ہاؤسنگ سوسائٹیز کے پاس کیا ہاؤسنگ سکیم چلانے کی صلاحیت ہے۔
رجسٹرار پنجاب کے متعلقہ ڈیپارٹمنٹ سے بھی اس حوالے سے معاونت لے سکے گا ، دو ماہ میں رجسٹرار کوآپریٹو ہاؤسنگ سوسائٹیز رجسٹرار ہائیکورٹ کو عمل درآمد رپورٹ دیں ، عدالت کے سامنے آیا ہے رجسٹرار کوآپریٹو سوسائٹیز نے کبھی بھی قانون پر عمل نہیں کرایا ، ہاؤسنگ سوسائٹیز کی ورکنگ اور ان کے فنانشل افیئرز کو کبھی مانیٹر نہیں کیا گیا ، ریکارڈ پر ایسا کچھ نہیں کہ کبھی رجسٹرار نے پنجاب کے متعلقہ ڈیپارٹمنٹ نے معلومات حاصل کیں ہوں .