نیب ترامیم کےخلاف چیئرمین پی ٹی آئی کی درخواست پر سماعت کچھ دیر میں

سپریم کورٹ میں نیب ترامیم کیخلاف چیئرمین پی ٹی آئی کی درخواست پر سماعت آج ہوگی،چیف جسٹس پاکستان کی سربراہی میں تین رکنی خصوصی بینچ دن گیارہ بجے سماعت کرے گا، جسٹس اعجاز الاحسن اور جسٹس منصور علی شاہ بینچ میں شامل ہیں.
عدالت عظمٰی نے مقدمے کے تمام فریقین کو نوٹسز جاری کر رکھے ہیں ،سپریم کورٹ نیب ترامیم کے خلاف کیس میں اب تک 47 سماعتیں کرچکی ہے ،چیئرمین پی ٹی آئی کے وکیل خواجہ حارث نے 26 سماعتوں پر دلائل مکمل کئے تھے،وفاقی حکومت کے وکیل مخدوم علی خان نے 20 سماعتوں پر دلائل دیئے ،چیئرمین پی ٹی آئی نے پی ڈی ایم حکومت کی نیب ترامیم کو سپریم کورٹ میں چیلنج کر رکھا ہے
سپریم کورٹ نے 16 مئی 2023 کو آخری سماعت کی تھی ،عدالت نے کیس میں فیصلہ محفوظ ہونے کا عندیہ دیتے ہوئے گزشتہ سماعت ملتوی کی تھی