افغانستان میں سیاسی جماعتوں پر پابندی عائد!

کابل: افغانستان میں سیاسی جماعتوں پر پابندی عائد کردی گئی۔افغان میڈیا کے مطابق افغان وزیر انصاف نے اعلان کیا ہے کہ ملک میں سیاسی جماعتوں کی سرگرمیوں کو قبول نہیں کیاجاسکتا۔مولوی عبدالحکیم شرعی نے کہا کہ ملک میں تمام قوانین اسلامی شریعت کی روشنی میں مرتب کئے گئے ہیں۔انہوں نے کہا کہ سیاسی جماعتیں ملکی مفاد میں ہیں نہ ہی ان کی شریعت میں کوئی گنجائش و حیثیت ہے۔ انہوں نے کہاکہ ملک کی موجودہ تباہی کی ذمہ دار سیاسی جماعتیں ہی ہیں۔ انہوں نے کہا کہ ایسے کسی اقدام کی اجازت نہیں دی جاسکتی جو ملک میں افراتفری کا باعث بنے۔