بھارتی شہری نے 800ہم وطن امریکہ سمگل کردیئے

کیلیفورنیا : کیلیفورنیا میں مقیم بھارتی شہری نے اوبر کے ذریعے 800 ہم وطنوں کو امریکہ سمگل کردیا۔امریکی محکمہ انصاف نے جاری بیان میں بتایا ہے کہ امریکی ریاست کیلیفورنیا میں مقیم بھارتی نژاد شہری راجندر پال سنگھ اور شریک ملزمان نے اوبر ٹیکسی استعمال کرکے کینیڈا سے غیر قانونی طور پر امریکی سرحد عبور کرنے والے افراد کو سیاٹل شہر پہنچایا۔جولائی 2018سے اپریل 2022تک 17اوبر اکاؤنٹس سمگلنگ نیٹ ورک کا حصہ تھے جن میں 80ہزار ڈالر سے زائد کی رقم آئی۔کیلیفورنیا میں بھارتی نژاد شہری کے گھر سے 45ہزار امریکی ڈالر و جعلی شناختی کارڈز برآمد ہوئے ہیں۔ملزم نے عدالت میں اعتراف کیا کہ سمگلنگ گروہ کا مرکزی کارندہ ہونے سے اس نے 5لاکھ ڈالر سے زائد رقم وصول کی، عدالت نے جرم ثابت ہونے پر ملزم کو تین سال قید کی سزا سنائی ہے۔نگران اٹارنی ٹیسا گورمین نے کہاہے کہ ملزم نے 4سال میں 800سے زائد افراد کو شمالی سرحد سے واشنگٹن و دیگر شہروں میں سمگل کیا۔محکمہ انصاف کے مطابق راجندر پال سنگھ امریکا میں قانونی طور پر نہیں رہ رہا، اسے سزا مکمل کرنے کے بعد ملک بدر کر دیا جائے گا۔