الیکشن کمیشن اپنی ذمہ داریوں سے لاعلم۔۔۔ انتخابات کیسے ہونگے معلوم نہیں؟

الیکشن کمیشن نئی مردم شماری کے تحت انتخابات کرانے سے متعلق فیصلہ نہ کر سکا۔ذرائع نے بتایا کہ نئی مردم شماری سے پیدا صورتحال پرالیکشن کمیشن کے2 اجلاس ہوئے جو بے نتیجہ رہے، الیکشن کمیشن نئی مردم شماری کے تحت انتخابات کرانے پر تذبذب کا شکار ہے۔ذرائع نے کہا کہ الیکشن کمیشن کو قانونی ٹیم نے آرٹیکل 51 فائیو کے تحت نئی حلقہ بندیوں کے تقاضے سے آگاہ کیا، قانونی ٹیم نے رائے دی کہ اسمبلیاں تحلیل ہونے کا انتظار کیا جائے۔ذرائع کا کہنا ہے کہ الیکشن کمیشن یہ بھی دیکھنا چاہتا تھا کہ صدر انتخابات کی تاریخ کا اعلان کریں گے یا نہیں۔