بچوں سے کام کرانا غیر اخلاقی اور غیر قانونی ہے : ماہرہ خان

لاہور: اداکارہ ماہرہ خان نے کہا ہے کہ رضوانہ جیسے واقعات اکثر بااثر اور پڑھے لکھے گھرانوں میں ہوتے ہیں۔ماہرہ خان نے سوشل میڈیا پرجاری ویڈیو بیان میں کہا کہ رضوانہ جیسے واقعات میں ملوث بااثر لوگ جانتے ہیں کہ انہیں آسانی سے ضمانت مل جائے گی۔ کوئی احتساب نہیں ہوگا۔ بچوں سے کام کروانا غیرقانونی، غلط اور غیر اخلاقی ہے۔اداکارہ کا مزید کہنا تھا کہ خدا کے لئے، ان بچوں اور ملک کے مستقبل کے لئے یہ بات سمجھیں اور اسے روکیں۔میرا یہ پیغام ان ماں باپ کے لیے نہیں ہے جو مجبوری کی وجہ سے اپنے بچوں کو کام پر بھیجتے ہیں۔کوئی ماں، کوئی باپ یہ نہیں چاہے گا کہ جس عمر میں اس کے بچے کو پڑھنا لکھنا اور کھیلنا چاہیے وہ اس سے کام کروائے۔ماہرہ خان کا کہنا تھا کہ میں معاشرے کے خوشحال طبقے سے اپیل کرتی ہوں کہ وہ ان بچوں کے لیے آواز اٹھائیں۔ اور قانون سازوں پر روز دیں کہ وہ تمام ضرورت مندوں بچوں کے لئے ایسے اقدامات کریں کہ انہیں کام نہ کرنا پڑے۔ یہ آپ کی، میری اور ہم سب کی ذمہ داری ہے۔