نگران وزیراعظم کیسا ہونا چاہیے۔۔شاہد خاقان عباسی نے بتا دیا

اسلام آباد:مسلم لیگ ن کے مرکزی رہنما اور سابق وزیر اعظم شاہد خاقان عباسی نے کہا ہے کہ نگران وزیراعظم سیاستدان اور معاشی امور کا ماہر ہونا چاہیے۔ نجی ٹی وی سے گفتگو کرتے ہوئے ن لیگی رہنما کا کہنا تھا جب تک انتخابات نہیں ہوتے ملک میں نگراں سیٹ اپ رہے گا ، ملک میں الیکشن کرانا الیکشن کمیشن کی ذمہ داری ہے، الیکشن کمیشن کہے کہ انتخابات نہیں کراسکتا تو وہ جانے اور عدالتیں جانیں۔ سابق وزیر اعظم نے کہا کہ انتخابات 90 دن میں اور نوازشریف کی موجودگی میں ہوتے نظر آ رہے ہیں، نوازشریف واپس آکر اپنے مقدمات کا سامنا کرلیں گے، ان کے خلاف بنائے گئے مقدمات جھوٹے ہیں۔نگران وزیر اعظم کے حوالے سے پوچھے گئے سوال کا جواب دیتے ہوئے شاہد خاقان عباسی کا کہنا تھا کہ نگران وزیراعظم سیاستدان اور معاشی امور کا ماہر ہونا چاہیے