تھائی لینڈ، آتش بازی کے گودام میں دھماکہ

بنکاک: تھائی لینڈ میں آتش بازی کے گودام میں دھماکا ہوا جس کے نتیجے میں 3 بچوں سمیت 12 افراد ہلاک ہوگئے۔برطانوی میڈیا کے مطابق ملائیشین سرحد کے قریب واقع شہرسنگوئی کولوک کی مارکیٹ میں دھماکے سے کم ازکم 100 سے زائد افراد زخمی بھی ہوئے۔ دھماکے کے بعد علاقے کے مختلف اسپتالوں میں ایمرجنسی نافذ کردی گئی جبکہ متعدد زخمیوں کی حالت تشویشناک بتائی جارہی ہے۔مقامی میڈیا کے مطابق زورداردھماکے کی وجہ سے گھروں کی کھڑکیاں ٹوٹ گئیں اورمتعدد گھروں میں دراڑیں بھی پڑگئیں۔مقامی گورنر سینن پونگاک سورن نے بتایا کہ دھماکا مارکیٹ میں ایک زیرتعمیرعمارت میں ویلڈنگ کی تکنیکی خراب کے باعث ہوا، عمارتوں میں لگنے والی آگ پر قابو پالیا ہے۔