گن اینڈ کنٹری کلب سے متعلق سپریم کورٹ کا بڑا فیصلہ۔۔ایڈیشنل سیکرٹری کو ہدایات

سپریم کورٹ میں گن اینڈ کنٹری کلب سے متعلق کیس کی سماعت، چیف جسٹس عمر عطاء بندیال کی سربراہی میں تین رکنی بینچ نے سماعت کی،سپریم کورٹ نے ایک ماہ میں گن اینڈ کنٹری کلب کا اڈٹ مکمل کرنے کی ہدایت کر دی ، عدالت نے حکم دیا کہ ایڈیشنل سیکرٹری آئی پی سی گن اینڈ کنٹری کلب نے قانون سازی کے حوالے سے بل 2023 موجودہ ہفتے میں پارلیمنٹ میں پیش کرنے کی یقین دہانی کردی، سی ڈی اے لیز سمیت دیگر معاملات وفاقی حکومت حل کرے، گن اینڈ کنٹری کلب کی انتظامیہ پہلے ہی انٹرنل آڈٹ کمپنی کی خدمات لے چُکی ہے، وکیل نعیم بخاری نے بتایا کہ گن اینڈ کنٹری کلب کے اڈٹ کے لیے بولی کے ذریعے نجی کمپنی کی خدمات لے چُکے ہیں، چیف جسٹس عمر عطا بندیال نے کہا کہ گن اینڈ کنٹری کلب کے انتظامات خراب ہونے سے بدنامی کا باعث بنا، ایڈیشنل سیکرٹری صاحب! اس کیس کو سنجیدہ لیں انا کا مسئلہ نہ بنائیں یہ قومی اثاثہ ہے، گن اینڈ کنٹری کلب لوگوں کو سہولیات مہیا کرنے کے لیے ہے صرف فوائد سمیٹنے کے لیے نہیں ہے، دو ہفتے میں آڈٹ مکمل کر کے رپورٹ جمع کرائیں تو پھر دوبارہ کیس سنیں گے، وکیل نعیم بخاری نے کہا کہ میں ایک ماہ کے لیے بیرون ملک جا رہا ہوں اسلئے دو ہفتوں کے بجائے ایک ماہ بعد تک سماعت ملتوی کریں، چیف جسٹس نے مسکراتے ہوئے جواب دیا کہ ایک ماہ بعد یہ کیس کوئی اور بنیچ سنے گا، عدالت نے کیس کی مزید سماعت ایک ماہ تک ملتوی کر دی