فیڈریشن کا سپورٹس بورڈ،پی او اے،عالمی باڈیز کیساتھ الحاق

اسلام آباد: پاکستان باسکٹ بال فیڈریشن نے واضح کیا ہے کہ بریگیڈر(ر)محمد افتخارمنصور اور خالد بشیرکی قیادت میں واحد منتخب باڈی ہے جس کا پاکستان سپورٹس بورڈ ، پاکستان اولمپک ایسوسی ایشن اور باسکٹ بال کی انٹرنیشنل باڈیز کیساتھ الحاق ہے۔ایک اعلامیہ میں واضح کیا گیاہے کہ پاکستان باسکٹ بال فیڈریشن کے منتخب صدر بریگیڈر (ر) محمد افتخارمنصور اور سیکرٹری جنرل خالد بشیر ہے جو ملکی اور بین الاقوامی سطح پر باسکٹ بال کی واحد نماندہ تنظیم ہے جن کی نگرانی میں ہی باسکٹ بال کیفروغ و ترقی، نیشنل چیمپین شپ، انٹرنیشنل ٹورنامنٹس کے انعقاد اور شرکت کی جا سکتی ہے۔ منتخب باڈی کا الحاق باسکٹ بال کی عالمی تنظیم فیبا پاکستان سپورٹس بورڈ اور پاکستان اولمپک ایسوسی ایشن کیساتھ ہے۔ تمام ڈیپارٹمنٹس، صوبای و ڈویژنل ٹیموں کا بھی اسی فیڈریشن سے الحاق ہیجبکہ انٹرنیشنل اولمپک کمیٹی کے معاہدہ کے تحت حکومت پاکستان بھی اسی فیڈریشن کو تسلیم کرتی ہے جس کا الحاق عالمی باڈی کیساتھ ہو۔ اعلامیہ میں کہا گیا ہے کہ چند شر پسند عناصر پاکستان باسکٹ بال فیڈریشن کا نام استعمال کرکے کھلاڑیوں اور عوام کو دھوکہ دینیاور باسکٹ بال کھیل کو نقصان پہچانیکی کوشش کر رہے ہیں لہذا اسے شرپسند عناصر سے ہوشیار رہیں اور اپنے آپ کو نقصان سے محفوظ رکھیں۔