مہنگائی کے اس مشکل دور میں ضرورت مندوں کی مدد کریں، مایا علی کی اپیل

کراچی: اداکارہ مایا علی نے صاحب استطاعت لوگوں سے اپیل کی ہے کہ مہنگائی کے اس مشکل وقت میں ضرورت مندوں کی مدد کریں۔ مایا علی نے فوٹو اینڈ ویڈیو شیئرنگ ایپ انسٹاگرام پر مفت آٹا نہ ملنے پر رونے والے شہری کی ویڈیو شیئر کرتے ہوئے مداحوں سے اپیل کی ہے کہ وہ زیادہ عطیات دیں اور ضرورت مندوں کی مدد کریں۔ اداکارہ نے سوشل میڈیا پر وائرل ہونے والی ویڈیو کو شیئر کرتے ہوئے لکھا کہ میں اپیل کرتی ہوں کہ آپ سب اپنی استطاعت کے مطابق ضرورت مندوں کی مدد کریں اللہ آپ کو اس کا اجر دے گا۔