آسٹریلیا میں گائے کا بچہ توجہ کا مرکز کیوں؟

سڈنی:قدرت کا معجزہ آسٹریلیا میں ایک گائے کے نومولود بچے پر قدرتی طور پر مسکراتا چہرے کا نشان بنا ہوا ہے ، لوگوں نے خوشی کی علامت سمجھنا شروع کر کے ہیپی نام رکھ دیا ۔ غیر ملکی خبر رساں ادارے کے مطابق فریسین ہولسٹین نسل سے تعلق رکھنے والی گائے کے بچے کی جلد پر قدرتی طور پر مسکراتا چہرے کا نشان بنا ہوا ہے جسے خوشی کی علامت سے جوڑا جارہا ہے۔رپورٹس کے مطابق مسکراتے چہرے کا نشان ہونے کی وجہ سے گائے کے بچے کا نام بھی ‘ہیپی’ رکھا گیا ہے۔ہیپی کے مالک کا کہنا ہے کہ یہ بچہ سب سے منفرد ہے کیونکہ جلد پر مسکراتا چہرا بنا ہونے کے ساتھ اس کے سر پر دل کی شکل بھی بنی ہے۔ہیپی کے سر کا رنگ کالا ہے جس پر سفید رنگ سے دل بنا ہوا ہے جب کہ دھڑ سفید ہے اور اس پر کالے رنگ سے مسکراتے چہرے کا نشان بنا ہے۔