سپریم کورٹ کا بینچ 5ججز کا ہو یا فل بنچ، اس سے کوئی فرق نہیں پڑتا، عمران خان

لاہور:چیئرمین پاکستان تحریک انصاف عمران خان نے کہا ہے کہ حکومت انتخابات سے اتنی خوفزدہ ہے کہ آئین اور قانون کی حکمرانی کو تباہ کرنے کیلئے بھی تیار ہے، ٹوئٹر پر اپنے بیان میں سابق وزیر اعظم عمران خان نے کہا ہے کہ سپریم کورٹ کا بینچ 5ججز کا ہو یا فل بنچ، اس سے کوئی فرق نہیں پڑتا، ہم صرف یہ جاننا چاہتے ہیں کہ کیا انتخابات آئین کے مطابق 90دن کے اندر ہوں گے یا نہیں،چیئرمین پی ٹی آئی نے کہا کہ دونوں صوبائی اسمبلیوں کو تحلیل کرنے سے پہلے اعلی آئینی وکلا سے مشورہ کیا، انتخابات کے انعقاد سے متعلق 90دن کی آئینی شق ناقابل تسخیر ہے، بدمعاشوں کی امپورٹڈ حکومت، ان کے ہینڈلر اور الیکشن کمیشن آئین کا مکمل مذاق اڑا رہے ہیں۔