نواز شریف باہر کس بات کے انتظار میں؟ عمران خان نے بتا دیا

اسلام آباد:چیئرمین پی ٹی آئی عمران خان نے کہا ہے کہ نواز شریف اس انتظار میں باہر بیٹھا ہے کہ مجھے نا اہل یا قتل کیا جائے تو وہ واپس آئے، اگر آج نامعلوم پیچھے ہٹ جائیں تو یہ حکومت ختم ہو جائے گی، یہ اپنے امپائر کھڑے کرکے کھیلنے کو لیول پلئینگ فیلڈ کہتے ہیں،چیئرمین تحریک انصاف نے اسلام آباد ہائیکورٹ میں پیشی کے موقع پر صحافیوں سے غیررسمی گفتگو میں کہا کہ سب کو معلوم ہے ملک میں اس وقت فیصلے کر کون رہا ہے،چیئرمین پی ٹی آئی نے کہا کہ اگر آج نامعلوم پیچھے ہٹ جائیں تو یہ حکومت ختم ہو جائے گی، انہوں نے الیکشن کمیشن کی انتخابات ملتوی کرنے کی وجوہات کو غلط قرار دیتے ہوئے کہا کہ اکتوبر تک تو معاشی بحران اور زیادہ شدید ہو جائے گا،لیول پلینگ فیلڈ سے متعلق سوال پر عمران خان کا کہنا تھا کہ ان کیلئے اپنے امپائر کھڑے کرکے کھیلنا ہی لیول پلینگ فیلڈ ہے، نواز شریف اس انتظار میں بیٹھا ہے کہ مجھے قتل یا نا اہل کیا جائے تو وہ واپس آئے،گرفتاری کے سوال کا جواب دیتے ہوئے عمران خان نے کہا کہ جب کوئی جرم ہی نہیں کیا تو گرفتاری کس لئے دوں۔