چینی ماہرین فلکیات نے زمین کے قریب اور ہلکا ترین نیوٹران ستارہ دریافت کرلیا

بیجنگ:چینی ماہرین فلکیات نے زمین سے 385 نوری سال کے فاصلے پر بائنری سسٹم میں ایک نیوٹران ستارے کی نشاندہی کی ہے، تصدیق ہو نے پر یہ اب تک کا قریب ترین اور ہلکا ترین نیوٹران ستارہ ہو سکتا ہے۔پیکنگ یونیورسٹی اور چین کی اکیڈمی آف سائنسز کے ادارے، قومی فلکیاتی رصد گاہوں کے محققین نے ملک کے بڑے اسکائی ایریا ملٹی آبجیکٹ فائبر سپیکٹروسکوپک ٹیلی سکوپ (ایل اے ایم او ایس ٹی) اور شمال مغربی سنکیانگ ویغور خود اختیار علاقے میں قائم نان شان 1 میٹروائڈ فیلڈ ٹیلی سکوپ(این اوڈبلیو ٹی)کے ذریعے کیے گئے مشاہدات کی بنیاد پر اس دریافت کی اطلاع دی ہے۔آسٹروفزیکل نامی جریدے میں شائع ہونے والی تحقیق کے مطابق یہ متوقع ستارہ ایک قدیم ستارے کا تاریک ساتھی ہے جس کی سورج کے مقابلے میں کمیت 0.98 گنا ہے، یہ ستارہ ایکس رے مدھم الگ تھلگ نیوٹران ستاروں (ایکس ڈی آئی این ایس) سے مشابہت رکھتا ہے۔ریڈیو سگنلز کی نشاندہی کے ساتھ آج تک، صرف سات ایکس ڈی آئی این ایسز دریافت ہوئے ہیں۔ انہیں میگنیفیشنٹ سیون کا نام دیا گیا ہے جو زمین سے تقریبا 391 سے 1ہزار630 نوری سال دور ہیں۔