پیرس میں گندگی سے تعفن اٹھنے لگا، شہر میں ہزاروں ٹن کچرے کے ڈھیر لگ گئے

پیرس :فرانس کے دارالحکومت پیرس کا شمار دنیا کے نہایت صاف اور خوبصورت ترین شہروں میں ہوتا ہے لیکن اب یہاں گندگی اور کوڑے کے ڈھیر لگ گئے ہیں،غیر ملکی میڈیا کے مطابق پیرس کی سڑکوں پر کئی ٹن بدبو دار کچرا جمع ہو گیا ہے جس کی وجہ سے شہریوں کو شدید مشکلات کا سامنا ہے اور موجودہ صورتحال کے باعث یہاں چوہوں کا خطرہ بھی بڑھ گیا ہے،رپورٹس کے مطابق صفائی کرنے والے اہلکاروں کی پنشن اصلاحات کے خلاف ہڑتال جاری ہے جس کے باعث پیرس کی سڑکوں پر کچرے کے ڈھیر لگ گئے ہیں،غیر ملکی میڈیا کے مطابق فرانسیسی حکومت کی پنشن کی عمر 62سے بڑھا کر 64سال کرنے کی تجویز پر کچرا اٹھانے والے اہلکاروں کی 6مارچ سے ہڑتال جاری ہے، گزشتہ پیر تک شہر کی سڑکوں پر 5ہزار 600ٹن سے زائد کچرے کے ڈھیر لگے ہوئے تھے ،دوسری جانب شہریوں نے حکام سے صورتِ حال کا حل نکالنے کا مطالبہ کیا ہے۔