اسلام آباد:سپریم کورٹ پرنسپل سیٹ اسلام آباد کیلئے آئندہ ہفتے کی کاز لسٹ اور ججز روسٹر جاری کر دیا گیا ،آئندہ ہفتے پرنسپل سیٹ پر چھ بنچ مقدمات کی سماعت کریں گے ،کاز لسٹ کے مطابق بنچ ایک چیف جسٹس عمر عطا بندیال،جسٹس عائشہ ملک اور جسٹس محمد علی مظہر پر مشتمل ہوگا ،بنچ دو میں جسٹس قاضی فائز عیسی،جسٹس یحییٰ آفریدی اور جسٹس حسن اظہر رضوی شامل ہونگے ،بنچ تین جسٹس سردار طارق،جسٹس امین الدین خان اور جسٹس اطہر من اللہ پر مشتمل ہوگا ،بنچ چار میں جسٹس اعجازالاحسن اور جسٹس شاہد وحید شامل ہونگے ،بنچ پانچ جسٹس منصور علی شاہ اور جسٹس جمال خان مندوخیل پر مشتمل ہوگا ،بنچ چھ میں جسٹس منیب اختر اور جسٹس مظاہر علی اکبر نقوی شامل ہونگے ،کاز لسٹ کے مطابق 69 مختلف اراکین اسمبلی کی انتخابی عذرداریوں سے متعلق کیس کی سماعت 13 مارچ پیر کو ہوگی جبکہ نیب ترامیم کیخلاف عمران خان کی درخواست پر سماعت 14 مارچ کو ہوگی ،تحریک انصاف کے 123 ارکان اسمبلی کے استعفوں سے متعلق کیس کی سماعت بدھ کو ہوگی ،گلگت بلتستان اپیلٹ کورٹ میں ججز تقرری کیخلاف کیس کی سماعت بدھ کو ہوگی جبکہ صدر مملکت عارف علوی کی نااہلی کیلئے دائر درخواست پر سماعت بدھ کو جسٹس اعجاز الاحسن کی سربراہی میں دو رکنی بنچ کرے گا۔
سپریم کورٹ :آئندہ ہفتے کیلئے کاز لسٹ اور ججز روسٹر جاری،6 بنچ تشکیل
37
