آئی ایم ایف کی شرائط،بجلی کی قیمت میں بڑا اضافہ کر دیا گیا

اسلام آباد:آئی ایم ایف کی شرائط پرعمل درآمد کرتے ہوئے نیشنل الیکٹرک پاور ریگولیٹری اتھارٹی(نیپرا) نے برآمدی شعبے کیلئے بجلی12.13روپے فی یونٹ مہنگی کرنے کی منظوری دیدی۔ نیپرا کے مطابق کسانوں کیلئے بجلی3.60روپے فی یونٹ مہنگی کرنے کی منظوری بھی دیدی گئی ہے ۔برآمدی شعبے اور کسانوں کیلئے بجلی پر65 ارب روپے کی سبسڈی ختم کر کے نیپرا نے فیصلہ نوٹفیکیشن کیلئے وفاقی حکومت کو بھجوادیا ہے ،سبسڈی دینے اور ختم کرنے کا اختیار وفاقی حکومت کا ہے ،برآمدی شعبے,کسانوں کیلئے بجلی پر سبسڈی ختم کرنے پر کوئی اعتراض نہیں ۔ نیپرا کے مطابقبرآمدی شعبے کیلئے بجلی کی19.99 روپے فی یونٹ کے رعایتی نرخ پر فراہمی ختم کر دی گئی ، زرعی صارفین کوبجلی13روپے کی بجائے16.60 روپے فی یونٹ ملے گی اور کسان پیکچ کے تحت زرعی صارفین کیلئے بجلی پر3.60 روپے فی یونٹ سسبڈی واپس لی گئی۔