سپریم کورٹ میں صحافی ارشد شریف قتل از خود نوٹس کیس سماعت کیلئے مقرر

اسلام آباد:سپریم کورٹ میں صحافی ارشد شریف قتل از خود نوٹس کیس سماعت کیلئے مقرر کردیا گیا،چیف جسٹس آف پاکستان جسٹس عمر عطا بندیال کی سربراہی میں 5رکنی لارجر بینچ جمعہ 10 مارچ کوکیس کی سماعت کریگا، جسٹس اعجازالاحسن، جسٹس جمال خان مندوخیل ، جسٹس مظاہرعلی اکبرنقوی اور جسٹس محمد علی مظہر بھی بینچ کا حصہ ہیں،پانچ رکنی لارجر بینچ (آج) دن سوا 11بجے سماعت کرے گا۔ خصوصی مشترکہ تحقیقاتی ٹیم اپنی پیشرفت رپورٹ سپریم کورٹ میں جمع کراچکی ہے،سپریم کورٹ کی جانب سے ڈائریکٹر جنرل فیڈرل انویسٹی گیشن ایجنسی (ڈی جی ایف آئی اے)، ڈائریکٹر جنرل انٹیلی جنس بیورو(ڈی جی آئی بی)سمیت دیگر فریقین کو نوٹس جاری کردیے گئے ہیں۔