اسلام آباد کے بلدیاتی انتخابات کب ہونگے؟ تاریخ آگئی

اسلام آباد:الیکشن کمیشن اسلام آباد کے بلدیاتی انتخابات 120 دن میں کرنے کو تیار،اسلام آباد ہائیکورٹ نے وفاقی حکومت کو اسلام آباد کے بلدیاتی انتخابات سے متعلق یونین کونسلز کی تعداد بڑھانے سے روک دیا۔ عدالت نے بلدیاتی انتخابات سے متعلق اپیلیں نمٹاتے ہوئے الیکشن کمیشن کو 125 یونین کونسلز پر 120 دن میں بلدیاتی انتخابات کرنے کا حکم دے دیا۔اسلام آباد ہائی کورٹ کے چیف جسٹس عامر فاروق اور جسٹس ثمن رفعت امتیاز نے اسلام آباد کے بلدیاتی انتخابات سے متعلق کیس کی سماعت کی ۔ ڈی جی لاء الیکشن کمیشن کی جانب سے اسلام آباد کے بلدیاتی انتخابات سے متعلق رپورٹ عدالت میں جمع کرائی گَئی۔ وکیل الیکشن کمیشن نے عدالت کو بتایا کہ اسلام آباد کے بلدیاتی انتخابات 120 میں کرائیں گے۔ چیف جسٹس نے استفسار کیا کہ اسلام آباد کے بلدیاتی انتخابات پر کتنا خرچہ آئے گا ؟ ڈی جی لاء الیکشن کمیشن نے کہا کہ اسلام آباد کے بلدیاتی انتخابات سے متعلق تقریباً 15 سے 20 کروڑ روپے تک کا خرچہ آئے گا، جس پر چیف جسٹس نے کہا کہ پندرہ، بیس کروڑ تو کچھ نہیں پھر تو الیکشن کرائے۔ اگر مستقبل میں یونین کونسلز کی تعداد بڑھانا ہو تو شیڈول سے پہلے کرنا ہونگے، عدالت نے حلقہ بندیوں سے متعلق درخواستوں پر الیکشن کمیشن سے رجوع کرنے کی ہدایت کرتے ہوئے یونین کونسلز کی تعداد بڑھانے سے روک دیا۔ عدالت نے بلدیاتی انتخابات سے متعلق اپیلیں نمٹاتے ہوئے الیکشن کمیشن کو 125 یونین کونسلز پر 120 دن میں بلدیاتی انتخابات کرنے کا حکم دے دیا۔