شہباز گل کا ہائیکورٹ سے رجوع، عدالت نے فیصلہ محفوظ کر لیا

اسلام آباد ہائیکورٹ کے چیف جسٹس عامرفاروق کی عدالت نے اداروں میں بغاوت پر اکسانے سے متعلق کیس میں سپیشل پراسیکیوٹر کی تعیناتی کے خلاف شہباز گل کی درخواست میں دوبارہ فیصلہ محفوظ کرلیا۔اسلام آباد ہائی کورٹ میں سماعت کے دوران ایڈیشنل اٹارنی جنرل منور اقبال دوگل،شہباز گل کے وکیل شہریارعدالت پیش ہوئے، چیف جسٹس نے کہاکہ ابھی ایک وضاحت کے لیے دوبارہ کیس مقرر کیا ہے، چیف جسٹس نے استفسار کیاکہ اسلام آباد میں لاء افسران کی تعیناتی کا ابھی بل ہے یا ایکٹ بن گیا ہے، جس پر ایڈیشنل اٹارنی جنرل نے تفصیلات سے عدالت کو آگاہ کرتے ہوئے بتایا کہ ابھی بل ہے ایکٹ نہیں بنا،عدالت نےدوبارہ شہباز گل کی درخواست پر فیصلہ محفوظ کر لیا۔