زلزلہ متاثرہ علاقوں میں تمام شامی فریق امداد پہنچانے دیں ، امریکہ

واشنگٹن:امریکی حکومت نے شامی حکومت اور ملک میں موجود تمام فریقوں سے مطالبہ کیا ہے کہ وہ ملک کے شہریوں کی مددکیلئے فوری انسانی امداد کے داخلے پر رضامند ہوجائیں،عالمی میڈیا کے مطابق وائٹ ہائوس کی قومی سلامتی کونسل کے ترجمان کا کہنا تھا کہ تمام انسانی امداد کو تمام سرحدی گزرگاہوں سے داخل ہونے کی اجازت دی جانی چاہیے اور بغیر کسی تاخیر کے تمام متاثرہ علاقوں میں امداد تقسیم کی جانی چاہیے،امریکی حکومت نے شامی حکومت کے صدر بشار الاسد سے بھی مطالبہ کیا ہے کہ وہ بغیر کسی رکاوٹ کے تمام ضرورت مندوں کو انسانی امداد تک فوری رسائی فراہم کریں، بشار الاسد انسانی امداد کی فراہمی کے لیے ایک جامع مینڈیٹ فراہم کریں،وائٹ ہائوس کے ترجمان کا مزید کہنا تھا کہ امریکہ اس انسانی بحران میں شامی عوام کے ساتھ کھڑا ہے، صدر بائیڈن نے واضح کیا ہے کہ امریکہ شامی عوام کو ہر قسم کی امداد اور ہر طرح کی مدد فراہم کرنے کے لیے تیار ہے ، اقوام متحدہ کے دفتر برائے رابطہ برائے انسانی امور کے ترجمان نے کہا کہ حکومت کے زیر کنٹرول علاقوں سے اپوزیشن کے زیر کنٹرول علاقوں میں امداد کی منتقلی میں مشکلات کا سامنا ہے، یہ مسئلہ امدادی کارکنوں کے لیے ایک اضافی چیلنج بن گیا ہے۔