سوشل میڈیا کا دور ہے، والدین بچوں پر سختی نہ کریں، اداکار علی عباس

لاہور :معروف اداکار علی عباس نے والدین کو بچوں پر سختی نہ کرنے کا مشورہ دے دیا ہے۔حال ہی میں اپنے دیے گئے ایک انٹرویو میں اداکار علی عباس نے بتایا کہ بچپن میں ہمیں والدین بہت مارا پیٹا کرتے تھے۔انہوں نے کہا کہ لیکن اب وقت بدل گیا ہے، اب میں چاہوں گا کہ والدین اپنے بچوں سے نرم لہجہ رکھیں۔ان کا کہنا تھا کہ یہ سوشل میڈیا کا دور ہے، والدین اپنے بچوں کو احتیاط سے سنبھالیں اور جتنا ہو سکے اپنے غصے پر قابو پانے کی کوشش کریں اور اولاد پر کوئی سختی نہ کریں۔معروف اداکار نے بتایا کہ آج آپ کے بچے سوال کرتے ہیں کہ ایسا کیوں یا ایسا کیوں؟، اس میں ان کا کوئی قصور نہیں ہے، آج کا ماحول مختلف ہے، وہ ٹیکنالوجی تک پہنچ چکے ہیں۔انہوں نے کہا کہ یہی وجہ ہے کہ موجودہ بچوں کو نفسیاتی مسائل کا سامنا ہے، وہ بہت سی معمولی باتوں کا دبائو اپنے اوپر لے رہا ہے، انہیں بہت سی چیزوں کا سامنا ہے۔ علی عباس کا مزید کہنا تھا کہ ہمارے زمانے میں ہماری پرورش بغیر کسی کمپلیکس کے ہوتی تھی لیکن آج بچے سب کچھ دیکھتے ہیں۔