بھارت، اسکول کے کھانے سے سانپ برآمد ، درجنوں طلبہ کی طبیعت بگڑ گئی

نئی دہلی:بھارت کے ایک اسکول میں مبینہ طور پر طلبہ کے کھانے میں سانپ مکس ہونے سے درجنوں طلبہ کی طبیعت ناساز ہوگئی،بھارتی میڈیا کے مطابق یہ واقعہ مغربی بنگال کے ضلع بیر بھوم میں پیش آیا جہاں اسکول میں طالب علموں کو دوپہر کا کھانا دیا گیا، کھانا کھانے کے بعد تقریبا 30کے قریب پرائمری اسکول کے طالب علموں کی طبیعت بگڑ گئی اور قے ہونے پر انہیں فوری اسپتال منتقل کردیا گیا،میڈیا رپورٹس میں بتایا گیا کہ کھانا تیار کرنے والے اسکول کے عملے نے دعوی کیا کہ دال سے بھرے کنٹینر میں سے ایک میں سانپ ملا تھا،طالب علموں کی صحت کے حوالے سے اسکول انتظامیہ کا کہنا تھا کہ اسپتال میں طبی امداد دینے کے بعد طالب علموں کی طبعیت میں بہتری آئی جس پر انہیں ڈسچارج کردیا گیا تاہم ایک طالب علم اسپتال میں زیر علاج ہے لیکن اس کی جان کو کوئی خطرہ نہیں ہے۔