کابل میں فوجی ہوائی اڈے کے باہر دھماکہ، شہید اور زخمی ہو گئے

کابل: کابل کے فوجی ہوائی اڈے کے باہر ہونے والے دھماکے میں متعددشہری شہید اور زخمی ہو گئے ۔ طالبان کے زیر انتظام وزارت داخلہ کے ترجمان نے کہا کہ اتوار کو کابل میں فوجی ہوائی اڈے کے باہر ہونے والے دھماکے میں متعدد ہلاکتیں ہوئی ہیں۔ ترجمان عبدالنافع تکور نے بتایا کہ اتوار کی صبح کابل کے فوجی ہوائی اڈے کے باہر دھماکہ ہوا جس میں متعدد شہری شہید اور زخمی ہوئے۔ان کا کہنا تھا کہ دھماکے کی تحقیقات جاری ہیں۔ مقامی افراد نے بتایا کہ اتوار کی صبح 8 بجے کے لگ بھگ ہوائی اڈے کے اس علاقے سے ایک زوردار دھماکے کی آواز سنی گئی جو فوجی استعمال میں ہے۔ان کا کہنا تھا کہ سیکورٹی فورسز نے علاقے کو سیل کر دیا ہے، اور تمام سڑکیں بند کر دی گئی ہیں۔طالبان نے اگست 2021 میں کابل کا کنٹرول سنبھالا تھا جس کے بعد افغانستان میں ہونے والے زیادہ تر دھماکوں کی ذمہ داری داعش کے جنگجو قبول کرتے آئے ہیں۔