وزیر اعلی پرویز الٰہی کی دین کے حوالے سے خدمات تا حیات یاد رکھی جائیں گی ‘ فیاض الحسن چوہان

fayyaz-ul-hassan-choan 88

لاہور:ترجمان وزیر اعلی پنجاب فیاض الحسن چوہان نے کہا ہے کہ وزیر اعلی پرویز الٰہی کی دین کے حوالے سے خدمات تا حیات یاد رکھی جائیں گی ،ختم نبوت اور ناموس رسالت پر چوہدری پرویز الٰہی نے ہمیشہ اعلی و ارفع کردار ادا کیا ہے۔ اپنے بیان میں فیاض الحسن چوہان نے کہا کہ ملکی تاریخ کی پہلی خاتم النبیین یونیورسٹی کا قیام بائیس کروڑ پاکستانیوں اور پوری امت مسلمہ کے لئے شاندار کارنامہ ہے،خاتم النبیین یونیورسٹی کے لئے ایک ارب روپے کے فنڈز مختص کئے گئے ہیں،خاتم النبیین یونیورسٹی سیرت النبی پر ریسرچ کے حوالے سے ایک ممتاز ادارہ بنے گی۔ انہوںنے کہا کہ چوہدری پرویز الٰہی کی جانب سے خاتم النبیین یونیورسٹی کا قیام دراصل عمران خان کی دینی خدمات کی ایک کڑی ہے،لازوال دینی خدمات پر قوم چوہدری پرویز الٰہی کو خراج تحسین پیش کرتی ہے،اللہ پاک ہم سب کو ختم نبوت اور ناموس رسالت کے لئے اپنا اپنا کردار ادا کرنے کی توفیق عطا فرمائے ۔

اس خبر پر اپنی رائے کا اظہار کریں

اپنا تبصرہ بھیجیں