چین داسو دہشت گرد حملے کی تحقیقات کو بہت اہمیت دیتا ہے،چینی وزارت خا رجہ

بیجنگ: چین کی وزارت خارجہ کی ترجمان ما نینگ نے کہا ہے کہ پاکستانی فریق “14 جولائی” داسو دہشت گرد حملے کی تحقیقات کو بہت اہمیت دیتا ہے، اس کیس کے ملزمان کو بالآخر انصاف کے کٹہرے میں لایا گیا ہے، یہ عمل قابلِ تحسین ہے اور ہلاک ہونے والے چینیوں اور ان کے خاندان کے لئے باعثِ اطمینان ہے۔ چین پاکستان کی انسداد دہشت گردی کی کوششوں کی بھرپور حمایت جاری رکھے گا اور پاکستان میں چینی شہریوں، اداروں اور منصوبوں کی سلامتی کا مثر طریقے سے تحفظ کرے گا۔منگل کے روز ما نینگ نے نشاندہی کی کہ ہم بیرون ملک مقیم چینی شہریوں، اداروں اور منصوبوں کی حفاظت کے لئے متعلقہ ممالک کے ساتھ مل کر کام کرتے رہیں گے۔