عاطف اسلم کا ایمی جیکسن کے ہمراہ نیا گانا ریلیز

کراچی : پاکستان کے بین الاقوامی شہرت یافتہ گلوکار عاطف اسلم کی نئی میوزک ویڈیو سامنے آگئی، جس میں ہالی ووڈ اداکارہ بھی جلوہ گر ہوئیں۔ گزشتہ دنوں گلوکار عاطف اسلم نے اپنے انسٹاگرام اکائونٹ پر نئے آنے والے گانے کا پوسٹر شئیر کیا ۔پنجابی اور انگریزی زبان پر مبنی گیت مون رائز میں عاطف اسلم کے ہمراہ برطانوی اداکارہ و ماڈل ایمی جیکسن بھی نظر آرہی ہیں۔ گانے کی موسیقی و بول نامور میوزک کمپوزر و سانگ رائٹر راج رجود نے ترتیب دی جبکہ میوزک ویڈیو نامور ہدایتکار عدنان قاضی نے ڈائریکٹ کی ہے جو اس سے قبل فرحان سعید، بلال سعید، علی ظفر اور عائمہ بیگ سمیت کئی گلوکاروں کی میوزک ویڈیوز ڈائریکٹ کر چکے ہیں۔گانے کے بارے میں بات کرتے ہوئے گلوکار عاطف اسلم نے کہا کہ عدنان قاضی نے بالکل ویسا ہی کام کیا جیسا ان سے توقع کی جارہی تھی۔