بھارت پاکستان نہیں آتا تو ورلڈ کپ کا بائیکاٹ کیا جائے‘ فرحان سعید

لاہور : معروف گلوکار اور اداکار فرحان سعید نے بھارتی کرکٹ بورڈ کے ایشیا کپ کے لیے پاکستان نہ آنے کے فیصلے سخت ردعمل کا اظہار کیا ہے۔ نجی ٹی وی کے پروگرام میں گفتگو کرتے ہوئے گلوکار نے کہا کہ اگر بھارت ایشیا کپ کے لیے پاکستان نہیں آتا تو پاکستان کرکٹ بورڈ کو چاہیے ورلڈ کپ کے دوران پاکستان سپر لیگ رکھے اور تمام پاکستانی وہ میچز دیکھیں اور ورلڈ کپ کا بائیکاٹ کریں۔ فرحان سعید نے کہا کہ اس قسم کی حرکتیں بہت عرصے سے ہورہی ہیں، پاکستان کو اس پر اپ سخت ردعمل دینا چاہیے، کسی سے ڈرنا نہیں چاہیے۔ انہوں نے کہا اگر ٹی ٹوئنٹی ورلڈکپ میں نمبر ون اور نمبر 3 بیٹر نہیں ہوگا تو وہ ورلڈکپ انتہائی بے رونق ہوگا، بھارت کو یہ سوچنا چاہیے کہ اب ہماری وہ حالت نہیں کہ ورلڈکپ میں ہمیشہ ہاریں گے، اب ہم انہیں منہ توڑ جواب دے سکتے ہیں۔