دوسروں کو برا بھلا کہنے والے اپنا احتساب بھی کریں‘ریشم

لاہور:فلم و ٹی وی اداکارہ ریشم نے کہا ہے کہ اچھا اداکار ہونے کے ساتھ ساتھ اچھا انسان ہونا بھی ضروری ہے‘ ٹی وی شوز میں اپنے ساتھیوں کو برا بھلا کہنے والوں کو اپنا احتساب بھی کرنا چاہئے۔ ایک انٹرویو میں ریشم نے کہا کہ جب بھی شادی کرنا ہوگی تو سب کو بتا کر وں گی ۔ ایک سوال کے جواب میں ریشم نے کہا کہ انسان کو اچھا اداکار ہونے کے ساتھ ساتھ اچھا انسان بھی ہونا ضروری ہے۔ انہوں نے کہا کہ مختلف ٹی وی شوز میں بیٹھ کر اپنے ہی اداکار ساتھیوں کی برائیاں کرنے والوں کو اپنا احتساب بھی کرنا چاہئے۔ انہوں نے کہا کہ مجھے اس بات کا بڑا دکھ ہوتا ہے کہ جب لوگ ٹی وی پر بیٹھ کر ان اداکاروں کی عدم موجودگی میں ان کے بارے میں عجیب و غریب اور متنازعہ باتیں کرتے ہیں ایسی باتیں کسی کو زیب نہیں دیتیں۔