کراچی ٹیسٹ،کیویز بلے باز ڈٹ گئے، کانوے نروس نائنٹیز کا شکار، لیتھم کی سنچری

کراچی:کراچی ٹیسٹ کے تیسرے روز نیوزی لینڈ کی پاکستان کے خلاف پہلی اننگز میں بیٹنگ جاری ہے جبکہ کیویز بلے باز قومی بالرز کے سامنے چٹان کی طرح ڈٹ گئے ہیں،نیوزی لینڈ نے کھیل کے تیسرے روز اپنی پہلی نامکمل اننگز کا آغاز 165رنز بغیر کسی وکٹ کے نقصان کے کیا تو ڈیوڈ کانوے 82اور ٹام لیتھم 78رنز کے ساتھ وکٹ پر موجود تھے،دونوں کھلاڑیوں نے ٹیم کا سکور 183رنز پر پہنچایا تو ڈیوڈ کانوے نعمان علی کی گیند پر نروس نائنٹیز کا شکار ہو گئے، انہوں نے 92رنز کی اننگز کھیلی جبکہ ٹام لیتھم نے اپنی سنچری مکمل کی۔